“My Freighter” MChJda parvozlar xavfsizligi holatini o‘rganish
O‘zbekiston Respublikasi Prezidentining har yilgi tadbirkorlar bilan o‘tkaziladigan ochiq muloqotiga tayyorgarlik ko‘rish, hamda parvozlar xavfsizligini taʼminlashdagi tizimli muammolarni aniqlash va ularni hal etish maqsadida, “O‘zaviatsiya” agetligi direktori T.Nazarov tomonidan
“My Freighter” MChJning vakillari bilan joyiga chiqqan holda uchrashuv o‘tkazildi.
“O‘zaviatsiya” agentligi direktori tomonidan aviakompaniyada parvozlarni tashkil etish, havo kemalarga texnik xizmat ko‘rsatish, hamda kadrlar tayyorlash bo‘yicha ishlar tashkillashtirilganligi holati o‘rganib chiqildi. Tashrif davomida aviakompaniya xodimlarining shahsiy qabuli tashkil etildi.
Yakuniy brifingda normativ – huquqiy hujjatlardagi ayrim bandlarini qayta ko‘rib chiqish takliflari hamda parvozlar xavfsizligi darajasini yaxshilash bo‘yicha takliflar muhokama qilindi.
