O'zbekiston Respublikasi

Oʻzbekiston Respublikasi Transport vazirligi huzuridagi fuqaro aviatsiyasida Korruptsiyaga qarshi kurashish komplaens nazoratini amalga oshirish
Nizomi

1. Umumiy qoidalar

1. Ushbu Nizom Oʻzbekiston Respublikasi Transport vazirligi huzuridagi fuqaro aviatsiyasida Аviatsiya xavfsizligi va Korruptsiyaga qarshi kurashish komplaens-nazorat boʻlimining (keyingi oʻrinlarda – Boʻlim deb yuritiladi) Oʻzbekiston Respublikasi Transport vazirligi huzuridagi fuqaro aviatsiyasi (keyingi oʻrinlarda “Oʻzaviatsiya” agentligi deb yuritiladi) maqomi, asosiy vazifalari, funktsiyalari, huquklari, javobgarligi, faoliyatini tashkil etish va hisobot berish tartibi, shuningdek xodimlarning funktsional vazifalari va maʼsuliyatini belgilaydi.
2. Boʻlim oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga hamda boshqa normativ-huquqiy hujjatlarga, Oʻzbekiston Respublikasi Transport vazirligi huzuridagi fuqaro aviatsiyasi tugʼrisidagi Nizom va boshqa qonun osti xujjatlari talablariga amal qiladi.
3. Boʻlim oʻz tashkilotlarida korruptsiya holatlarini barvaqt aniqlash va oldini olish, ularning sabab va shart-sharoitlarini bartaraf etish, manfaatlar toʻqnashuviga yoʻl qoʻymaslik hamda korruptsiyaga nisbatan murosasiz munosabatni shakllantirish choralarini koʻrishga masʼul hisoblanadi.
4. Boʻlim oʻz faoliyatida bevosita Oʻzbekiston Respublikasi Transport vazirligi huzuridagi fuqaro aviatsiyasi direktoriga boʻysunadi.
5. Boʻlim xodimlarining lavozimi yoʻriqnomasi direktor tomonidan tasdiqlanadi.

2. Boʻlimning vazifalari

6. Boʻlim qoʻyidagi vazifalarni amalga oshiradi:

• “Oʻzaviatsiya” agentligida yashirin iqtisodiyot va korruptsiyaga qarshi qurashish boʼyicha “komplaens-nazorat” (compliance-control) tizimini joriy etish va takomillashtirish;
• “Oʻzaviatsiya” agentligida “inson omili” taʼsiri mavjud faoliyat yoʻnalishlarni aniqlash;
• oʻz vakolati doirasida “Oʻzaviatsiya” agentligining sohaviy normativ-huquqiy hujjatlaridagi korruptsion normalar va nomuvofiqliklar yuzasidan takliflar ishlab chiqadi;
• “Oʻzaviatsiya” agentligi tizimida faoliyat yuritayotgan davlat xizmatchilarida korruptsiyaga nisbatan murosasiz munosabatni shakllantirish maqsadida Xodimlar bilan ishlash boshqarmasi bilan hamqorliqda ishga qabul qilinishga yoki yangi lavozimga nomzod shaxslarni har tomonlama oʻrganish (shu jumladan nomzodni muqaddam jinoiy javobgarlikka tortilgan yoki tortilmaganligi yuzasidan Ichki ishlar vazirligi Tezkor maʼlumotlar boshqarmasidan axborotlar olish), xodimlarni tayyorlash hamda malakasini oshirishda ilgʼor usullarini tizimli ravishda joriy etishda qatnashadi.

 3. Boʻlimning funktsiyalari

7. Boʻlimning funktsiyalari quydagilar:

• korruptsiya xavf-xatarlarini oʻz vaqtida aniqlash, ularning kelib chiqish sabablarini oʻrganish, bartaraf etish;
• xodimlar tomonidan ichki etiket qoidalariga qatʻiy rioya etilishini nazorat qilish va xizmat vazifalarni bajarishda manfaatlar toʻqnashuvi haqida xabar berish hal qilish masalalarini tartibga solish;
• oʻz vakolati doirasida “Oʻzaviatsiya” agentligi tomonidan amalga oshiriladigan davlat xaridlari, mablagʼlarini sarflanishida shaffov va samarali tizimini joriy etish boʻyicha takliflar ishlab chiqish;
• maʼmuriy va byurakratik toʻsiqlarni bartaraf etish, tartiblarni soddalashtirish, tezkorligini oshirish yuzasidan takliflar ishlab chiqadi;
• korruptsiyaga qarshi kurashish sohasidagi xalqaro standartlar va xorijiy tajribani oʻrganish va qoʻllash;
• “komplaens-nazorat” (compliance-control) tizimini joriy etish maqsadida korruptsiyaga qarshi kurashish sohasida yuqori tajribali, reytingi yuqori halqaro tashkilotlar mutuxassislarini jalb etish choralarini koʻrish;
• “Oʻzaviatsiya” agentligiga kelib tushadigan murojaatlarni koʻrib chiqish va javob tayyorlashda ishtirok etish;
• ish faoliyatiga oid axborot-tahlil maʼlumot va xisobotlarni tayyorlash.

4. Boʻlimning huquqlari

8. Boʻlim oʻz zimmasiga yuklatilgan vazifalar va funktsiyalarni bajarish uchun quyidagi huquqlarga ega:

• oʻzi faoliyat yuritayotgan “Oʻzaviatsiya” agenligi xodimlaridan ularning vakolatiga kiruvchi masalalar yuzasidan tahliliy materiallarni, xulosalarni, statistik va boshqa maʼlumotlarni olish;
• xizmat majburiyatlarini bajarish doirasida “Oʻzaviatsiya” agenligi xodimlaridan zarur yordam soʻrash va olish;
• “Oʻzaviatsiya” agenligi xodimlari faoliyatida aniqlangan korruptsiyaviy huquqbuzarliklar yuzasidan xizmat tekshiruvlarini oʻtkazish;
• “Oʻzaviatsiya” agenligi direktoriga korruptsiyaga qarshi kurashish tizimini takomillashtirish boʻyicha takliflar kiritish;
• oʻz faoliyati doirasida “Oʻzaviatsiya” agenligi tizimiga yozma koʻrsatmalar, topshiriq xatlari va tavsiyalar berish;
• “Oʻzaviatsiya” agenligining korruptsiyaga oid majlislarida ishtirok etish;
• tekshiruvlar oʻtkazish, hujjatlarni talab qilish, xodimlardan yozma tushuntirishlar olish.

5. Boʻlimning majburiyatlari

9. Boʻlim oʻz zimmasiga yuklatilgan vazifalar va funktsiyalarni bajarish uchun quyidagi majburiyatlarga ega:

• ushbu Nizom va boshqa qonunchilik hujjatlari bilan yuklatilgan funktsiyalarni zarur darajada va samarali bajarish;
• qonunchilik hujjatlari talablariga qatʼiy rioya qilish va oʻz vakolat doirasidan chetga chiqmaslik;
• “Oʻzaviatsiya” agenligi tizimida jinoyat alomatlari, xususan korruptsiya holatlari aniqlanganligi toʻgʼrisida zudlik bilan toʻgʼridan-toʻgʼri yuqori turuvchi organ, Аgentlik va boshqa huquqni muhofaza qiluvchi organlarga xabar berish;
• “Oʻzaviatsiya” agenligining korruptsiyaga qarshi kurashish siyosati, odob-axloq qoidalarining korruptsiyaga oid qismining buzilganligi fakti yuzasidan tashkilot rahbariyatiga maʼlumotnomalar kiritish;
• har chorakda, keyingi chorak birinchi oyining birinchi oʻn kunligida korruptsiyaga qarshi kurashish borasida amalga oshirilgan ishlar va chora-tadbirlar toʻgʼrisidagi choraklik hisobotni Аgentlikka taqdim etish;
• Boʻlim xodimlari korruptsiyaga qarshi kurashish sohasida faoliyat yurituvchi xodimlarga moʻljallangan oʻquv kurslari yoki maxsus seminar-treninglarda ishtirok etadi. Oʻquv kurslari yoki maxsus seminar-treninglar tashkilot yoxud Аgentlik tomonidan tashkil etilishi mumkin.
• Boʻlim faoliyatining natijadorligi tashkilotda korruptsiyaga qarshi kurashish tizimining samaradorlik va maqsadli koʻrsatkichlariga erishish natijalariga asosan baholanadi.
• Boʻlim faoliyatining maqsadli koʼrsatkichlari tashkilotning birinchi rahbari tomonidan tasdiqlanadi.
• Boʻlim faoliyati samaradorligining maqsadli koʻrsatkichlariga erishish ustidan nazorat Аgentlik tomonidan amalga oshiriladi.

6. Yakuniy qoidalar

10. Ushbu Nizom talablarini buzganlikda aybdor deb topilgan shaxslar qonunchilikda belgilangan tartibda javobgar boʻladi.