Йил якуни бўйича таҳлилий ҳисобот

2022 йил якунлари бўйича “Ўзавиация агентлиги томонидан амалга оширилган ишлар ва уларнинг натижадорлиги тўғрисида

МАЪЛУМОТ

   Ўзбекистон Республикаси фуқаро авиациясида парвозлар ва авиация хавфсизлигини назорат қилиш

 Хозирги кунда Ўзбекистон Республикасида та авиакомпания (2021 йил 7 та), 12 та aэродром (2021 йил 11 та), 2 та Ўқув-машқ маркази, 6 та ҳаво кемаларига техник хизмат кўрсатиш ташкилоти ва 3 та фуқаро авиацияси ҳаво кемаларини таъмирлаш корхоналари ўз фаолиятини олиб боришмоқда.

“Ўзавиация” агентлиги томонидан Ўзбекистон Республикаси фуқаро авиацияси ва экспериментал авиациясининг ҳаво кемалари парвозларининг хавфсизлигини ва авиация хавфсизлиги йўналишида қуйдагилар амалга оширилди.

  1. 2022 йил давомида Ўзбекистон Республикаси фуқаро авиация ташкилотларини ва корхоналарини Ҳалқаро фуқаро авиацияси ташкилоти стандартларига мувофиқлигини таъминлаш мақсадида жами 13 та сертификация текширувлари ўтказилди, шулардан:

– 5 та Аэродромларда сертификация текширувлари (Андижон, Фарғона, Самарқанд, Термез ҳамда Тошкент аеродромларида). Аэродромларнинг сертификация текширувлари даврида жами 52 та камчилик аниқланган бўлиб ва улар юзасидан далолатномалар расмийлаштирилган.

3 та Ўқув марказида сертификация текширувлари амалга оширилди (“Uzbekistan Airways” АЖ, “Саёҳат Аир” МЧЖ, “Доступное небо”. Текширув натижалари бўйича парвозлар хавфсизлигига хатар соладиган камчиликлар аниқланмади. Текширув давомида жами 32 та камчилик аниқланган, шулардан 17 таси сертификацияга таалуқли. Текширув натижаси бўйича эксплуатант сертификатлари уч йил муддатга узайтирилди.

– 2 та техник хизмат кўрсатувчи ташкилотларнинг сертификация текшируви ўтказилди (“Uzbekistan airways technics” МЧЖ, “Uzbekistan Helicopters” МЧЖ). Текширув натижаларида техник хизмат кўрсатиш ташкилоти сертификатлари расмийлаштирилди.

3 та авиакомпания (“Uzbekistan airways” АЖ, МАПП-АГРО ПАРВОЗ КТАИЧК) сертификати муддати узайтирилди ҳамда янги авиакомпания “Panorama airways” эксплутант сертификати расмийлаштирилди.

  1. Ўзбекистон Республикаси фуқаро авиацияси
    ва экспериментал авиация фаолиятини доимий назоратини амалга ошириш мақсадида Агентлик томонидан 2022 йил давомида 52 та инспекторлик текширувлари ўтказилди, шулардан:

– 3 та аэродромда (Навоий, Бухоро, Наманган) инспексия текшируви бажарилди. Натижалари бўйича тегишли далолатномалар расмийлаштирилди. Текширувлар даврида жами 58 та камчилик аниқланган бўлиб ва улар юзасидан далолатномалар расмийлаштирилган ва 6 та инспекторлик тақдимномалари киритилган.

– “Uzbekistan Helicopters” МЧЖ, “Uz Aaero Tech Group” МЧЖ 
ва “Агро-парвоз” КТАИЧК корхоналарида авиация хавфсизлиги йўналиши бўйича сифат назорати текширувлари ўтказилган. Натижалари бўйича 3та камчиликликлар аниқланди.

– Ўзбекистон Республикаси Авиакомпанияларида маршрутлар бўйича 11 та инспекция текширувлари бажарилган. Натижалари бўйича тегишли баённомалар расмийлаштирилган. Парвозлар хавфсизлигига хатар соладиган камчиликлар аниқланмаган.

– “Uz Аеrо Теch Group” МЧЖ ҚК, “Қанот Шарқ” МЧЖ ҳамда “Ҳумо Аир” МЧЖ авиакомпанияларида сертификатлаш
ва парвозларни амалга ошириш йўналиши
бўйича инспекция текширувлари амалга оширилган. Текширув натижалари бўйича парвозлар хавфсизлигига хатар соладиган камчиликлар аниқланмаган.

– ИКАО стандартларига мувофиқ Ўзбекистон Республикаси фуқаро авиацияси аэродромларига парвозларни амалга ошираётган хорижий давлатларнинг ҳаво кемалари эксплуатантларининг (“Аир Cairo”, “Lufthanza”, Fly Egypt, Asiana,Zagros, Nile Air, “Fly Dubai”, “Air Arabia PJSC”, “Korean Airlines”, “Aerologic GmbH”, “Jazeera Airways”, “MNG”, “Rossiya”, “Kam Air”, “Aeroflot”, “Azal”, “Belavia”, “Ir Aero”) 18 та перронда инспекция текшируви ўтказилди.

– “Ислом Каримов номидаги Тошкент Халқаро Аэропорти” МЧЖ ЦҚ ТУЕКда инспексторлик текшируви бўлиб ўтди. Текширув жараёнида 4та камчилик аниқланди ва уларни бартараф этиш учун чора-тадбирлар режасини тузиш белгиланди. Марказий тиббий учиш эксперт комиссиясининг 11 та кенгаши ўтказилди.

– 2022 йил давомида учувчисиз учиш аппаратларидан фойдаланиш йўналишида 130 та (2021 йил 107та) эксперт Хулосалар ҳамда 8 та (2021 йил 9та) инспекция текширувлари ўтказилди, булардан “Jizzax Organic” МЧЖ, “Регионалгеолигия” ДУК, Ўзбекистон Республикаси экология ва атроф-мухофаза қилиш давлат қўмитаси ҳузуридаги “Экологик ахборот-коммуникация технологияларини жорий этиш ва мултимдия маркази” ДУК, ХК “САНОАТ ЭНЕРГЕТИКА ГУРУҲИ” МЧЖ, “УЗАЕРОСПАCЕ” МЧЖ, “Геология-маркшейдерлик хизмати” ДК ҳамда Ўзбекистон Республикаси давлат солиқ қўмитаси ҳузуридаги кадастр Агентлиги “Республика аэрогеодезия маркази” ташкилотларида инспекторлик текшируви ўтказилди. Натижалари бўйича номувофиқликлар аниқланмади.

  1. Ўзбекистон Республикасига мунтазам парвозларни амалга оширишлари учун “Ўзавиация” агентлиги томонидан хисобот даврида 35 та хорижий авиакомпанияларнинг аризаларига асосан, амалдаги фойдаланиш рухсатномаларига 19 та янги йўналишлар ва 145 та янги ҳаво кемалари киритилди.
  2. Фуқаро авиацияси аэродромларига бир марталик парвозни амалга ошириш учун ҳисобот даврида “Ўзавиация” агентлигининг расмий веб сайти орқали (www.uzcaa.uz) 8414 та сўровнома келиб тушган бўлиб, булардан 3717 та йўловчиларни ташиш, 934 та юк ташиш, 775 та техник парвозлар, 26 та амбулатор парвоз, 839 та бизнес парвозлар, 227 та гуманитар парвозлар 187 та ҳукумат парвозлари учун умумий ҳисобда 6686 та тегишли руҳсатномалар расмийлаштирилган.
  3. Фуқаро авиацияси ходимларининг (учувчилар таркиби, ҲҲБ диспетчерлари, муҳандис-техник таркиб ва хизмат кўрсатувчи ходимлари) 87 та гувоҳнома берилди, 397 та малака белги ва тоифалар, 247 та гувоҳномага инглиз тили/CПЛ, АТПЛ қўшимча варақалари берилди, 105 та гувоҳнома алмаштирилди ва 596 та гувоҳноманинг амал қилиш муддати узайтирилди.
  4. Хисобот даврида “Ўзавиация” агентлиги томонидан 9 та ҳаво кемаларига давлат рўйхатидан ўтганлиги тўғрисида гувоҳномалари, 60 та ҳаво кемаларига учишга яроқлилик сертификатлари, 11 та шовқинлар бўйича сертификатлари, 14 та радио жиҳозлар бўйича сертификатлари берилди.
  5. Бухоро нефтни қайта ишлаш заводида Ўз Дст 1117:2007 бўйича ишлаб чиқарилган Жет А-1 ярим синтетик самолёт ёқилғиси (“Ўзбекистон ГТЛ” синтетик компонентининг
    50 фоизигача) ни Ўзбекистон Республикасида фуқаро авиацияси самолётларида фойдаланишга қабул қилиш тўғрисида кўрсатма берилди.
  6. “Ўзавиация” агентлиги томонидан 2022 йилда Вазирлар Маҳкамасининг 2014 йил 11 августдаги 226-сон “Парвозлар хавфсизлигига таҳдид солиши мумкин бўлган фаолиятни амалга ошириш учун рухсатнома бериш тартиби тўғрисидаги Низом” талаблари асосида 1138 та янги қурилаётган объектларнинг баландликлари ўрнатилган тартибда келишилди. Умумий ҳисобда 80та рухсатномалар расмийлаштирилди.

 Рақамлаштириш

 Бир марталик (charter) парвозларни амалга ошириш учун сўровномаларни тақдим этиш ва рухсатномалар бериш янги дастурни яратиш учун тайёргарлик ишлари олиб борилмоқда. Дастурий таъминот ишлаб чиқувчилар ва Агентликнинг мутахассислари билан учрашувлар ўтказилмоқда, танлов ўтказиш учун тегишли ҳужжатлар тайёрланди.

  1. Хавфларни баҳолаш имкониятини берадиган фуқаро авиацияси объектларининг ҳолатини назорат қилиш учун маълумотлар базасини модернизация қилиш ишлар давом этилмоқда.

 “Жисмоний ва юридик шахсларнинг мурожаатлари тўғрисида”ги Ўзбекистон Республикаси қонунининг ижросини таъминлаш бўйича

 Мазкур Қонуннинг ижросини таъминлаш мақсадида “Ўзавиация” агентлигида 2022 йил хисобот даврида фуқаролардан келиб тушган хатлар, мурожаатлар ва аризалар таҳлил қилинди.

Таҳлил давомида 2022 йил “Ўзавиация” агентлигига 24 та мурожаат келиб тушгани аниқланди.

Шулардан:

3 таси Ўзбекистон Республикаси Президентининг виртуал қабулхонаси орқали;

9 таси электрон почта орқали;

6 таси почта орқали;

6 таси расмий веб-сайт келиб тушган.

Таҳлил давомида электрон почта орқали келиб тушган 1 та мурожаатни юборувчи тўғрисидаги маълумотлар аниқланмаганлиги сабабли аноним деб топилди.

Юқоридаги мурожаатлар “Жисмоний ва юридик шахсларнинг мурожаатлари тўғрисида”ги Ўзбекистон Республикаси қонунининг талабларига асосан ўрнатилган муддатларда кўриб чиқилган.

 2023 йилда “Ўзавиация” агентлиги томонидан бажарилиши лозим бўлган долзарб вазифалар

  1. 2023 йилга режалаштирилган Ҳалқаро фуқаро авиацияси ташкилоти томонидан ўтказиладиган аудитни юқори даражада ўтказиш.
  2. Ўзбекистон Республикасида фуқаро авиацияси соҳасида рақобат муҳитни яратиш мақсадида янги ташкил этилаётган авиакомпанияларга амалий ёрдам бериш.
  3. Ўзбекистон Республикаси фуқаро авиацияси соҳасида парвозлар хавфсизлиги ва авиация хавфсизлиги йўналишида доимий назорат олиб бориш.

Саҳифанинг охирги янгиланиш санаси: 28.02.2023 10:09:29

Чоп этиладиган нусхаси