Jismoniy va yuridik shaxslar murojaatlarini koʼrib chiqish natijalari

O‘zbekiston Respublikasi Transport vazirligi xuzuridagi “O‘zaviatsiya” agentligi tomonidan 2022 yilning yanvar–sentabr oylari davomida jismoniy va yuridik shaxslardan kelib tushgan murojaatlarni ko‘rib chiqish holatining
TAHLILI

O‘zbekiston Respublikasi Transport vazirligi huzuridagi Fuqaro aviatsiya agentligi tomonidan jismoniy va yuridik shaxslardan kelib tushgan murojaatlarning Qonunda belgilangan tartibda o‘z vaqtida har tomonlama va sifatli ko‘rib chiqilishi taʼminlanmoqda.

“O‘zaviatsiya” agentligiga jismoniy va yuridik shaxslardan kelib tushgan murojaatlar tahlili bo‘yicha 2022 yilning 9 oyida jami 23 ta
(2021 yilning 9 oyida esa jami 43 ta) murojaat kelib tushgan. Mazkur murojaatlarning 8 ta elektron shakldagi murojaatlar bo‘lib, shulardan 3 tasi O‘zbekiston Respublikasi Prezidentining Virtual qabulxonasi orqali kelib tushgan, qolganlari “O‘zaviatsiya” agentligining rasmiy veb-saytiga, elektron pochtaga va pochta orqali yozma shakldagi murojaatlardan tashkil topgan.

2022 yilning 9 oyida kelib tushgan murojaatlarning 5 tasi (21.7%) qanoatlantirildi, 17 tasi (73.9%) yuzasidan huquqiy tushuntirish berildi va 1 tasi (0.04%) anonim bo‘lganligi sababli 445-O‘RQ ning 3 va
29-bandlariga asosan ko‘rmasdan qoldirildi. Kelib tushgan murojaatlar 39% yuridik shaxsga va 61% jismoniy shaxsga tegishlidir.

“O‘zaviatsiya” agentligiga kelib tushayotgan barcha murojaatlar bevosita rahbariyat tomonidan nazoratga olingan. “O‘zaviatsiya” agentligining murojaatlar bilan ishlash ahvoli tizimli ravishda monitoring qilinib, har chorakda tahlil qilinib agentlikning rasmiy veb-saytiga diagramma shaklda joylashtirilib borilmoqda.

“O‘zaviatsiya” agentligining kengaytirilgan yig‘ilishlarida har chorakda murojaatlar bilan ishlash ahvoli bo‘yicha muhokama qilinib, kamchilik va muammolarni bartaraf etish haqida tegishli ko‘rsatma va topshiriqlar berib kelinmoqda.

Shuningdek, “O‘zaviatsiya” agentligining rahbariyati hamda bo‘lim rahbarlari, masʼul xodimlari aholining muammolarini eshitish va ularni hal etish yuzasidan joylarda muntazam ravishda sayyor qabullarni tashkil etish yuzasidan grafik tasdiqlangan bo‘lib, shu asosda sayyor qabullar o‘tkazilib kelinmoqda. Bunda, murojaatlarni ko‘rib chiqish, ularni joyiga chiqib o‘rganishga, ularni ijobiy (qanoatlantirish) hal etilishiga alohida eʼtibor qaratilgan.

Koʼchirib olish

Sahifaning oxirgi yangilanish sanasi: 16.09.2022 17:26:34

Chop etiladigan nusxasi