"Turkish Airlines" авиакомпанияси янги йўналишларда мунтазам авиақатновларни амалга ошириш учун рухсатнома олди
"Ўзавиация" агентлиги томонидан 2021 йил 15 апрелда Туркия Республикасининг "Turkish Airlines" авиакомпаниясига Истанбул-Урганч-Истанбул ва Истанбул-Фарғона-Истанбул йўналишларида Ўзбекистон Республикасига мунтазам авиақатновларни амалга ошириш учун рухсатнома берилди.
"Turkish Airlines" авиакомпанияси 2006 йил 28 сентабрдаги 27-К сонли эксплуатацион рухсатномага эга бўлиб, Истанбул-Тошкент-Истанбул ва Истанбул-Самарқанд-Истанбул йўналишлари бўйича мунтазам авиақатновларни амалга оширади.