Жамоатчилик кенгаши

  1. Мазкур Низом (кейинги ўринларда Низом деб юритилади) Ўзбекистон Республикаси Транспорт вазирлиги ҳузуридаги Фуқаро авиацияси агентлиги қошидаги Жамоатчилик кенгашининг (кейинги ўринларда — жамоатчилик кенгаши) асосий вазифалари, функциялари, ваколатларини ва фаолиятини ташкил этиш тартибини белгилайди.
  2. Жамоатчилик кенгаши ўз ишини жамоатчилик асосида олиб борадиган, доимий фаолият юритувчи маслаҳат-кенгаш органи ҳисобланади.
  3. Жамоатчилик кенгаши «Ўзавиация» агентлигининг марказий аппарати ҳузурида ташкил этилади.
  4. Жамоатчилик кенгаши «Ўзавиация» агентлиги директорининг қарори билан ташкил этилади.
  5. Жамоатчилик кенгашининг қарорлари тавсиявий хусусиятга эга.
  6. Жамоатчилик кенгаши ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, мазкур Низомга ҳамда бошқа қонун ҳужжатларига амал қилади.
  7. Жамоатчилик кенгаши тўғрисидаги низом ва унга киритиладиган ўзгартишлар ҳамда қўшимчалар «Ўзавиация» агентлиги директорининг қарори билан тасдиқланади.
  1. Қуйидагилар жамоатчилик кенгашининг асосий вазифалари ҳисобланади:
  • қабул қилинаётган норматив-ҳуқуқий ҳужжатларда, қарорларда, шунингдек, давлат, тармоқ ва ҳудудий ривожлантириш дастурларида жамоатчилик манфаатлари ва жамоатчилик фикри ҳисобга олиниши, фуқароларнинг, юридик шахсларнинг ҳуқуқлари ва қонуний манфаатларини, жамият манфаатларини ҳимоя қилиш соҳасида қонун ҳужжатлари талаблари ижросини таъминлаш, давлат органи зиммасига юкланган ҳамда ижтимоий ва жамоатчилик манфаатларига дахл қилувчи вазифалар ва функцияларни бажариш, давлат хизматларини кўрсатиш, ижтимоий шериклик доирасида амалга ошириладиган битимлар, шартномалар, лойиҳалар ва дастурларни рўёбга чиқариш бўйича «Ўзавиация» агентлиги ва унинг мансабдор шахсларининг фаолияти устидан жамоатчилик назоратини амалга ошириш;
  • биргаликда мулоқот қилиш, «Ўзавиация» агентлигининг нодавлат нотижорат ташкилотлари, оммавий ахборот воситалари ва фуқаролик жамиятининг бошқа институтлари билан самарали ҳамкорлигини таъминлаш учун давлат органини фуқаролар билан боғлаб турадиган «кўприк» ролини бажариш;
  • «Ўзавиация» агентлигига нодавлат нотижорат ташкилотлари ва фуқаролик жамиятининг бошқа институтларидан келиб тушган социал ва ижтимоий аҳамиятга молик лойиҳаларни умумлаштириш ва баҳолаш;
  • фуқароларнинг ҳуқуқлари, эркинликлари ва қонуний манфаатларига дахл қилувчи энг муҳим масалалар юзасидан «Ўзавиация» агентлигининг фаолияти ҳақидаги жамоатчилик фикрини тизимли мониторинг қилиш ва ҳар томонлама таҳлил қилиш, социологик сўровлар ўтказиш, жумладан уларни ахборот-коммуникация технологияларидан фойдаланган ҳолда ўтказиш;
  • «Ўзавиация» агентлиги фаолиятида коррупцияга қарши курашиш соҳасидаги давлат дастурлари ва бошқа дастурларни ишлаб чиқиш ҳамда амалга оширишда иштирок этиш, коррупцияга қарши курашиш бўйича олиб борилган ишлар устидан мониторинг ва таҳлил ўтказиш, шунингдек, уларнинг натижалари бўйича таклифлар тайёрлаш;
  • «Ўзавиация» агентлиги фаолиятининг очиқлигини таъминлаш бўйича амалга оширилаётган тадбирларни мониторинг қилиш, унинг фаолияти тўғрисида батафсил ахборот олиш имкониятларини таҳлил қилиш, уларни янада кенгайтириш бўйича таклифлар ишлаб чиқиш;
  • «Ўзавиация» агентлиги фаолиятини ислоҳ қилишда фуқаролар иштирок этиши учун яратилган шарт-шароитларни ўрганиш ва уларни яхшилаш бўйича таклифлар ишлаб чиқиш;
  • «Ўзавиация» агентлиги фаолияти бўйича фуқаролар ўртасида ўтказиладиган тушунтириш ишлари ва маънавий-маърифий тадбирларда иштирок этиш, уларнинг самарадорлигини ошириш юзасидан таклифлар ишлаб чиқиш;
  • «Ўзавиация» агентлиги ходимлари ва улар оилаларининг уй-жой, ижтимоий-маиший, хизмат шарт-шароитларини, уларга малакали тиббий ёрдам кўрсатиш шароитларини, шунингдек, ишдан бўшатилган ёки захирага олинган ходимларни ижтимоий ва касбий мослаштириш бўйича муаммоларни комплекс таҳлил қилиш ҳамда таҳлил якунлари бўйича мазкур шароитларни яхшилаш юзасидан таклифлар киритиш.
  1. Жамоатчилик кенгаши ўз зиммасига юклатилган вазифаларга мувофиқ қуйидаги функцияларни бажаради:
  • «Ўзавиация» агентлигининг фаолиятига доир масалалар юзасидан фуқаролар, нодавлат нотижорат ташкилотлари ва фуқаролик жамияти бошқа институтларининг ташаббуслари ҳамда мурожаатларини кўриб чиқишда иштирок этади, шунингдек, уларни кўриб чиқиш натижалари бўйича «Ўзавиация» агентлигига тегишли таклифлар киритади;
  • «Ўзавиация» агентлигининг фуқаролар, нодавлат нотижорат ташкилотлари ва фуқаролик жамиятининг бошқа институтлари билан ўзаро ҳамкорлигини таҳлил қилади, шунингдек, ҳамкорликни такомиллаштириш юзасидан таклифлар ишлаб чиқади;
  • «Ўзавиация» агентлиги фаолиятига тааллуқли унинг норматив-ҳуқуқий ҳужжатлари ва қарорларини такомиллаштириш, улардаги мавжуд камчиликларни бартараф этиш бўйича таклифлар ишлаб чиқади, шунингдек, киритилган таклифларни «Ўзавиация» агентлиги ходимлари ўртасида муҳокама қилишга бағишланган тадбирларни ташкил этишда қатнашади;
  • давлат дастурлари лойиҳаларини, тадбирлар режаларини ва «Ўзавиация» агентлиги фаолиятига тааллуқли, шу жумладан коррупцияга қарши курашиш тўғрисидаги бошқа ҳужжатларни ишлаб чиқиш юзасидан таклифлар тайёрлайди, қабул қилинган дастурларни амалга оширишда ваколатлари доирасида иштирок этади, бажарилган ишларнинг самарадорлигини таҳлил қилади, шунингдек, йўл қўйилган хато ва камчиликларни бартараф этиш юзасидан таклифлар тайёрлайди;
  • «Ўзавиация» агентлигига нодавлат нотижорат ташкилотлари ва фуқаролик жамиятининг бошқа институтларидан келиб тушган социал ва ижтимоий аҳамиятга молик лойиҳаларни кўриб чиқади;
  • «Ўзавиация» агентлиги раҳбарлари ва ходимларининг фуқаролар билан учрашувларини, шунингдек, жисмоний ва юридик шахслар мурожаатларини кўриб чиқиш билан боғлиқ ишларни ташкил этишда, шу жумладан жойларга бориб ташкил этишда қатнашади, уларнинг амалга оширилиши устидан мониторинг ўтказади;
  • «Ўзавиация» агентлиги ходимлари ва улар оилаларининг уй-жой, ижтимоий-маиший, хизмат шарт-шароитларини, уларга малакали тиббий ёрдам кўрсатиш шароитларини яхшилашда, шунингдек, ишдан бўшатилган ёки захирага олинган ходимларни ижтимоий ва касбий мослаштириш муаммоларини ҳал этишда кўмаклашади;
  • ходимлар ва уларнинг оила аъзоларини ижтимоий ва ҳуқуқий ҳимоя қилиш масалалари бўйича «Ўзавиация» агентлиги ходимлари ўртасида кенг тушунтириш ишларини ташкил этади;
  • «Ўзавиация» агентлигида, соғлом ишчанлик муҳитини ривожлантириш, қонунийликни, юксак ҳуқуқий маданият ва ахлоқийликни таъминлаш, ходимларда Ватанга содиқлик руҳини ва қонунларга бўлган ҳурматни кучайтириш, уларни ижтимоий, сиёсий, руҳий ва маънавий-маърифий камол топтириш, шунингдек, мазкур соҳадаги илмий-маърифий ва ўқув адабиётларини такомиллаштириш бўйича таклифлар ишлаб чиқади;
  • мамлакатда ва хорижда кенг жамоатчиликни «Ўзавиация» агентлиги фаолиятини ислоҳ қилиш бўйича амалга оширилаётган тизимли чора-тадбирлар ҳақида мунтазам равишда хабардор қилишни таъминлайди ҳамда мавжуд муаммоларни ҳал қилиш ва камчиликларни бартараф этиш юзасидан таклифлар ишлаб чиқади;
  • «Ўзавиация» агентлиги фаолиятига бағишланган илмий-назарий ва илмий-амалий конференциялар, семинарлар, давра суҳбатларини ташкил этишда иштирок этади;
  • «Ўзавиация» агентлиги фаолиятини оммавий ахборот воситаларида ёритиш бўйича бажарилаётган ишларнинг натижаларини таҳлил қилади, уларнинг самарадорлигини ошириш ва мавжуд камчиликларни бартараф этиш юзасидан таклифлар ишлаб чиқади;
  • ўзига юклатилган вазифаларни бажаришда нодавлат нотижорат ташкилотлари, оммавий ахборот воситалари, фуқаролик жамиятининг бошқа институтлари ҳамда фуқаролар билан ҳамкорлик қилади.
  1. Жамоатчилик кенгаши зиммасига юклатилган вазифалар ва функцияларни бажариш учун:
  • «Ўзавиация» агентлиги томонидан ташкил этиладиган бўлажак очиқ ҳайъат мажлислари ва бошқа оммавий тадбирлар тўғрисидаги ахборотни олдиндан олиш ҳамда мазкур тадбирларда иштирок этиш;
  • «Ўзавиация» агентлигининг, жумладан унинг ҳудудий бўлинмалари ва тасарруфидаги ташкилотларининг бинолари (хоналари) ва бошқа объектларини белгиланган тартибда бориб кўриш;
  • «Ўзавиация» агентлиги директорига жамоатчилик кенгаши ваколатига кирадиган масалалар юзасидан таклифлар киритиш;
  • «Ўзавиация» агентлиги фаолияти самарадорлигини ошириш бўйича таклифлар ва тавсияларни ишлаб чиқиш ҳамда амалга ошириш учун зарур бўлган «Ўзавиация» агентлигининг ахборотлари, статистика ва бошқа материалларини белгиланган тартибда олиш;
  • «Ўзавиация» агентлигининг қонун ижодкорлиги фаолиятида, давлат органи томонидан ишлаб чиқилган норматив-ҳуқуқий ҳужжатлар лойиҳаларининг жамоатчилик ва экспертлар муҳокамасини таъминлашда иштирок этиш;
  • жисмоний ва юридик шахслар мурожаатларига «Ўзавиация» агентлиги томонидан берилган жавобларнинг сифатини танлаб олган ҳолда таҳлил қилиш;
  • «Ўзавиация» агентлиги ходимларининг розилиги билан уларнинг уй-жой, ижтимоий-маиший ва хизмат шарт-шароитлари билан танишиш;
  • жамоатчилик кенгаши мажлисларида муҳокама қилинадиган масалаларни ёритиш бўйича оммавий ахборот воситалари билан ҳамкорлик қилиш;
  • юклатилган вазифаларни бажариш учун конференциялар, форумлар, семинарлар, давра суҳбатлари ва бошқа тадбирларни ташкил этиш ҳуқуқига эга.

Жамоатчилик кенгаши қонун ҳужжатларига мувофиқ бошқа ҳуқуқларга ҳам эга бўлиши мумкин.

  1. Жамоатчилик кенгаши ўз фаолиятини амалга оширишда:
  • жамоатчилик назорати тўғрисидаги қонун ҳужжатлари талабларига риоя қилиши;
  • «Ўзавиация» агентлиги фаолияти билан боғлиқ қонун ҳужжатларида белгиланган чекловларга амал қилиши;
  • «Ўзавиация» агентлиги ва унинг мансабдор шахсларининг ўз ваколатлари доирасида амалга оширадиган фаолиятига аралашмаслиги;
  • «Ўзавиация» агентлиги ва унинг мансабдор шахслари фаолият кўрсатиши учун тўсқинлик қилмаслиги;
  • фуқароларнинг ор-номуси ва қадр-қимматини таҳқирлашга, уларнинг шахсий ҳаётига аралашишга йўл қўймаслиги;
  • жамоатчилик назоратини амалга ошириш давомида олинган ахборотнинг, агар бундай ахборотни тарқатиш қонун билан чекланган бўлса, махфийлигига риоя қилиши шарт.

Жамоатчилик кенгашининг зиммасида қонун ҳужжатларига мувофиқ бошқа мажбуриятлар ҳам бўлиши мумкин.

  1. Жамоатчилик кенгашининг таркибига унинг раиси, раис ўринбосари, котиби ва аъзолари киради.
  2. Жамоатчилик кенгаши аъзолигига, қоида тариқасида, «Ўзавиация» агентлиги намунали хизмат кўрсатган меҳнат фахрийлари, жамоатчилик фаолияти соҳаларида катта амалий тажрибага эга обрў-эътиборли фуқаролар, шунингдек, нодавлат нотижорат ташкилотлари, оммавий ахборот воситалари ва фуқаролик жамиятининг бошқа институтлари вакиллари қабул қилинади.

Жамоатчилик кенгаши аъзоларининг сони чекланмаган.

  1. Жамоатчилик кенгашининг таркиби «Ўзавиация» агентлиги директорининг қарори билан ҳар 3 йилда тасдиқланади.
  2. Қуйидаги ҳолатларда жамоатчилик кенгашининг раиси, раис ўринбосари, котиби ва аъзолари унинг таркибидан чиқарилиши мумкин:
  • улар томонидан жамоатчилик кенгаши таркибидан чиқиш тўғрисида ариза берилганда;
  • жамоатчилик кенгашининг мажлисларида мунтазам равишда иштирок этмаганда, мазкур Низомнинг 11-бандида назарда тутилган мажбуриятларни бажармаганда;
  • уларга нисбатан чиқарилган суднинг айблов ҳукми қонуний кучга кирганда;
  • вафот этганда, шунингдек, суднинг қонуний кучга кирган ҳал қилув қарори асосида улар муомалага лаёқатсиз, бедарак йўқолган ёки вафот этган деб топилганда.
  1. Жамоатчилик кенгашининг таркиби тўғрисидаги маълумотлар ва унга киритилган ўзгартишлар улар тасдиқланган пайтдан бошлаб
    5 кун ичида «Ўзавиация» агентлигининг расмий веб-сайтида эълон қилинади.
  2. Жамоатчилик кенгашининг раиси:
  • жамоатчилик кенгашининг фаолиятига умумий раҳбарлик қилади;
  • жамоатчилик кенгашининг мажлисларини чақиради ва кун тартибини белгилайди;
  • жамоатчилик кенгашининг мажлисларида раислик қилади;
  • жамоатчилик кенгашининг иш режасини, мажлиси баённомасини ва бошқа ҳужжатларини тасдиқлайди;
  • жамоатчилик кенгаши қарорларининг ижросини назорат қилади;
  • жамоатчилик кенгаши аъзоларининг зиммасига юклатилган вазифаларни бажарилишини мувофиқлаштиради;
  • «Ўзавиация» агентлигининг расмий веб-сайтида ва бошқа ресурсларда жойлаштириладиган жамоатчилик кенгашининг фаолияти тўғрисидаги маълумотлар таркиби бўйича таклифлар киритади ва уни «Ўзавиация» агентлиги директори билан келишади;
  • жамоатчилик кенгаши қарорларини бажариш масалалари юзасидан «Ўзавиация» агентлиги директори билан ҳамкорлик қилади;
  • жамоатчилик кенгашининг самарали ишини таъминлаш бўйича бошқа ваколатларни амалга оширади.
  1. Жамоатчилик кенгашининг раиси бўлмаган тақдирда, унинг ваколатлари ва мажбуриятларини раис ўринбосари бажаради.
  2. Жамоатчилик кенгаши раисининг ўринбосари:
  • раис йўқлигида жамоатчилик кенгашининг мажлисларида раислик қилади;
  • жамоатчилик кенгаши қарорларининг ижросини назорат қилиш бўйича ишларни ташкил этади;
  • фуқароларни ва юридик шахсларнинг вакилларини қабул қилади, шунингдек, жамоатчилик кенгаши фаолиятига тааллуқли мурожаатларни кўриб чиқиш бўйича ишларни ташкил этади;
  • жамоатчилик кенгашининг самарали ишларини таъминлаш бўйича бошқа ваколатларни амалга оширади.
  1. Жамоатчилик кенгашининг котиби:
  • жамоатчилик кенгашининг фаолиятини услубий, ташкилий-ҳуқуқий ва ташкилий-техник жиҳатдан таъминлаш масалаларини ҳал қилади;
  • жамоатчилик кенгашининг навбатдаги мажлисига барча зарур материаллар ўз вақтида тайёрланишини таъминлайди, давлат органи ходимларидан зарур ҳужжатлар ва маълумотларни сўраб олади;
  • кун тартибига мувофиқ жамоатчилик кенгаши мажлислари ўтказилишини ташкил этади;
  • жамоатчилик кенгаши ўтказиладиган сана, жой ва таклиф этиладиган шахслар рўйхатини жамоатчилик кенгашининг раиси билан келишади;
  • жамоатчилик кенгашининг аъзоларини ва таклиф этилган шахсларни жамоатчилик кенгаши мажлиси ўтказиладиган жой, сана ва вақт ҳақида хабардор қилади;
  • жамоатчилик кенгаши қарорларининг ижро этилиши устидан мониторинг олиб боради ва унинг натижаларини жамоатчилик кенгаши мажлисида кўриб чиқиш бўйича таклифлар киритади;
  • жамоатчилик кенгаши мажлисининг баённомасини расмийлаштиради ва тасдиқланган баённоманинг жамоатчилик кенгаши аъзолари ҳамда бошқа манфаатдор шахсларга жўнатилишини таъминлайди;
  • жамоатчилик кенгашининг самарали ишлашини таъминлаш бўйича бошқа ваколатларни амалга оширади.
  1. Жамоатчилик кенгашининг аъзолари ўз мажлисларида кўриб чиқиладиган масалаларни муҳокама қилиш ва ҳал қилишда ўз ваколатини бошқаларга ўтказиш ҳуқуқига эга эмас.

Жамоатчилик кенгашининг мажлисида иштирок этиш имкони бўлмаган ҳолатларда, унинг аъзоси мажлис кун тартибидаги масалалар бўйича ўз фикрини ёзма шаклда юбориши мумкин. Бунда унинг фикри мажлисда кўриб чиқилади ва овоз беришда ҳисобга олинади.

Жамоатчилик кенгашининг аъзолари:

  • ўз зиммаларига юклатилган вазифаларни бажариш учун давлат органи томонидан ташкил этиладиган ҳайъат мажлисларида ва бошқа оммавий тадбирларда иштирок этади;
  • жамоатчилик кенгаши иш режаларининг лойиҳаларини тайёрлайди, уларни жамоатчилик кенгашида кўриб чиқиш учун киритади ва тасдиқланган иш режалари бажарилишини таъминлайди;
  • «Ўзавиация» агентлиги фаолиятининг самарадорлигини ошириш бўйича таклифлар ва тавсияларни ишлаб чиқишда ҳамда амалга оширишда қатнашади;
  • «Ўзавиация» агентлиги ходимлари, уларнинг оила аъзолари билан учрашувлар ўтказади ва уларнинг ҳуқуқлари, эркинликлари ҳамда қонуний манфаатларини таъминлаш бўйича таклифларни жамоатчилик кенгашига киритади;
  • жамоатчилик кенгашининг кун тартибига киритилган масалалар юзасидан таҳлилий материаллар тайёрлайди;
  • жамоатчилик кенгашининг ваколатига кирадиган масалалар билан боғлиқ мурожаатларни кўриб чиқади ва натижалари бўйича тегишли ҳужжатларни тайёрлайди;
  • жамоатчилик кенгашининг зиммасига юкланган вазифалар ва функцияларга мувофиқ бошқа ваколатларни амалга оширади.
  1. Жамоатчилик кенгаши фаолиятининг асосий масалалари унинг мажлисида кўриб чиқилади. Жамоатчилик кенгашининг мажлиси унинг иш режалари асосида ҳар чоракда камида бир марта чақирилади.

Жамоатчилик кенгашининг раиси жамоатчилик кенгаши аъзоларининг учдан бир қисмининг ёзма мурожаати асосида унинг навбатдан ташқари мажлисини чақириши мумкин.

  1. Жамоатчилик кенгашининг мажлисларига бошқа давлат органлари, нодавлат нотижорат ташкилотлари ва фуқаролик жамияти институтларининг вакиллари таклиф этилиши мумкин.
  2. Жамоатчилик кенгаши мажлиси кун тартибининг лойиҳаси котиб томонидан жамоатчилик кенгаши аъзоларининг таклифлари
    ва жамоатчилик кенгаши раисининг топшириғи асосида шакллантирилади.
  3. Жамоатчилик кенгашининг мажлисини унинг раиси олиб боради. Раис иштирок эта олмаган ҳолатларда, мажлисни унинг ўринбосари олиб боради.

Жамоатчилик кенгашининг мажлисида «Ўзавиация» агентлиги раҳбари, унинг ўринбосарлари ва бошқа ходимлар иштирок этиши мумкин.

  1. Жамоатчилик кенгашининг мажлиси, агар унда жамоатчилик кенгаши аъзоларининг камида учдан икки қисми (кворум) иштирок этган тақдирда ваколатли ҳисобланади.

Мажлисни ўтказиш учун кворум шаклланмаган тақдирда, жамоатчилик кенгашининг янги мажлиси ўтказиладиган сана эълон қилинади.

  1. Жамоатчилик кенгашининг қарори мажлисда иштирок этаётган жамоатчилик кенгаши аъзоларининг оддий кўпчилик овози билан қабул қилинади.
  2. Жамоатчилик кенгашининг ҳар бир аъзоси қабул қилинаётган қарорлар бўйича ўзининг фикрини ёзма шаклда ифодалашга ҳақли. Унинг фикри жамоатчилик кенгаши мажлисининг баённомасига мажбурий тартибда қўшиб қўйилади.
  3. Жамоатчилик кенгашининг мажлисида қабул қилинган қарор баённома билан расмийлаштирилади. Жамоатчилик кенгаши мажлисининг баённомаси котиб томонидан имзоланади, мажлисга раислик қилувчи томонидан тасдиқланади ва уч кун муддатда давлат органига, жамоатчилик кенгаши аъзоларига ва манфаатдор шахсларга юборилади.
  4. Жамоатчилик кенгашининг қарорини тезлик билан қабул қилиш зарурияти туғилганда, унинг раиси ташаббуси билан қарор жамоатчилик кенгашининг аъзолари билан келишилган ҳолда сўров йўли билан қабул қилиниши мумкин.

«Ўзавиация» агентлиги жамоатчилик кенгашининг қабул қилган қарорига қўшилмаган ҳолларда, жамоатчилик кенгашининг қарорини олган кундан бошлаб ўн кундан кечикмай унга асослантирилган эътирозини ёзма шаклда юборади.

31. Жамоатчилик кенгашининг котиби кенгаш аъзолари кўмагида жамоатчилик кенгаши қарорлари ижросининг боришини ўрганади ва кўриб чиқади, зарур бўлган ҳолларда, жамоатчилик кенгашининг раисига тегишли таклифлар киритади.

  1. Жамоатчилик кенгашининг фаолиятини моддий-техник жиҳатдан таъминлаш «Ўзавиация» агентлиги томонидан, шунингдек, қонун ҳужжатларида тақиқланмаган бошқа манбалар ҳисобидан амалга оширилади.
  2. Жамоатчилик кенгашининг фаолияти унинг низомига
    ва Ўзбекистон Республикасининг қонун ҳужжатларига мувофиқ эканлиги «Ўзавиация» агентлиги директори томонидан назорат қилинади.
  3. Жамоатчилик кенгашининг ва «Ўзавиация» агентлиги директорининг жамоатчилик кенгаши фаолияти билан боғлиқ қарорлари устидан белгиланган тартибда шикоят қилиниши мумкин.

Кенгаш раиси:

 

 

Назаров Тахир Алимжанович

Тел: 78-120-00-60

e-mail: cаа@uzcaa.uz

 

«Ўзавиация» агентлиги Директори

 

 

Кенгаш раисининг ўринбосари:

 

Оразбаев Жоллыбай Сапарович

Тел: 71-254-76-98

 

«Ўзавиация» агентлигининг собиқ ходими, мехнат фахрийси

 

Кенгаш аъзолар:

 

Ульжаев Толиб Эгамбердыевич

Тел: 78-120-00-57

 

«Ўзавиация» агентлигининг собиқ ходими, транспорт соҳасида хизмат кўрсатган ходими

 

 

Шадманходжаев Мамурходжа Умарходжаевич

Тел:  78-120-00-61

e-mail: mamur@uzcaa.uz

 

«Ўзавиация» агентлигининг собиқ ходими, мехнат фахрийси

 

 

 

Баймурзаева Наргиза Бахтияровна

Тел: 78-120-00-68

e-mail: n.baymurzayeva@uzcaa.uz

 

«Ўзавиация» агентлигининг бўлим бошлиғи

 

 

Кенгаш котиби:

 

Шакиров Шамшод Абубакирович

Тел: 78-120—00-75

e-mail: cаа@uzcaa.uz

«Ўзавиация» агентлигининг ижро интизоми назорат қилиш мутахассиси

 

Ўзбекистон Республикаси Транспорт вазирлиги ҳузуридаги Фуқаро авиацияси агентлигида Жамоатчилик кенгашининг низоми билан таништириш бўйича ўтказилган йиъгилишнинг
_1_-сон БАЁНИ

2022 йил 07 апрель                                 «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 
Иштирок этганлар: Директор ўринбосари, «Ўзавиация» агентлиги бўлим бошлиқлари, ходимлар бўйича бош мутахассис, ижро интизомини назорат қилиш бўйича мутахассис, Фуқаро авиацияси агентлигининг собиқ ходимлари Т.Е.Улжаев, Ж.С.Оразбаев, М.У.Шодманхўжаевлар иштирок этдилар

 
КУН ТАРТИБИ:

  1. Жамоатчилик Кенгаши низоми билан таништириш;
  2. Жамоатчилик Кенгаши аъзоларини таништириш;
  3. «Ўзавиация» агентлиги ҳузуридаги Жамоатчилик кенгашининг раисини, ўринбосарини, котибини сайлаш;
  4. Жамоатчилик Кенгаши фаолиятини ташкил этиш билан боғлиқ турли масалалар бўйича келишиб олиш.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида Жамоатчилик кенгашининг низоми билан таништириш бўйича ўтказилган йиъгилишнинг
_2_-сон БАЁНИ

2022 йил 27 апрель                                 «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 
Иштирок этганлар: Жамоатчилик кенгаши а’золари.

 
КУН ТАРТИБИ:

  1. Агентликка келиб тушган мурожаатлар статистикаси.
  2. Жамоатчилик кенгаши а’золари томонидан мурожаатларда кўпинча кўтариладиган масалалар таҳлили.
  3. “Ўзавиатсия” агентлиги мутахассислари томонидан мурожаатда кўйилган масалани сифатли ва ўз вақтида ҳал этишлиги муҳокамаси.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида мурожаатлар билан ишлаш ҳолати бўйича ўтказилган Жамоатчилик кенгаши йиъгилишнинг
_3_-сон БАЁНИ

2022 йил 12 август                                 «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 
Иштирок этганлар: Жамоатчилик кенгаши а’золари.

 

КУН ТАРТИБИ:

  1. Жамоатчилик кенгаши фаолиятининг ўтган давр мобайнидаги фаолияти тўғрисида.
  2. Жамоатчилик кенгашининг келгусидаги иш фаолиятига оид режалар.
  3. Бошқа масалалар.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида мурожаатлар билан ишлаш ҳолати бўйича ўтказилган Жамоатчилик кенгаши йиъгилишнинг
_4_-сон БАЁНИ

2022 йил 07 октябрь                                «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 
Иштирок этганлар: Жамоатчилик кенгаши а’золари.

  

КУН ТАРТИБИ:

  1. Ўзавиация» агентлиги ҳузуридаги Жамоатчилик кенгаши фаолиятини янада ривожлантириш ҳақида.
  2. Агентлик ва Жамоатчилик кенгашининг ўзаро ҳамкорлиги масалаларини муҳокама қилиш.
  3. Ташкилий масалалар.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида мурожаатлар билан ишлаш ҳолати бўйича ўтказилган Жамоатчилик кенгаши йиъгилишнинг
_5_-сон БАЁНИ

2022 йил 10 декабрь                                 «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 
Иштирок этганлар: Жамоатчилик кенгаши а’золари.

 

КУН ТАРТИБИ:

  1. Жамоатчилик кенгаши томонидан 2022 йил мобайнида  бажарилган ишлар ҳисоботини тинглаш.
  2. Жамоатчилик кенгаши аъзолари таркибини кўриб чиқиш.
  3. Бошқа масалалар.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида мурожаатлар билан ишлаш ҳолати бўйича ўтказилган Жамоатчилик кенгаши йиъгилишнинг
_1_-сон БАЁНИ

2023 йил 19 январь                                 «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 
Иштирок этганлар: Жамоатчилик кенгаши а’золари.

 

КУН ТАРТИБИ:

  1. Жамоатчилик кенгаши томонидан 2022 йил мобайнида  бажарилган ишлар ҳисоботини тинглаш.
  2. Кенгашнинг 2023 йил учун Иш режаси лойиҳасини таёрлаш масаласи.
  3. Бошқа масалалар.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида мурожаатлар билан ишлаш ҳолати бўйича ўтказилган Жамоатчилик кенгаши йиъгилишнинг

_2_-сон БАЁНИ

2023 йил 27 апрель                «Ўзавиация» агентлиги

 Раис: «Ўзавиация» агентлиги директори Назаров Тахир Алимжанович

 

Иштирок этганлар: Жамоатчилик кенгаши аъзолари.

  

КУН ТАРТИБИ:

  1. Агентликка келиб тушган мурожаатлар статистикаси.
  2. Жамоатчилик кенгаши аъзолари томонидан мурожаатларда кўпинча кўтариладиган масалалар таҳлили
  3. Ўзавиация» агентлиги мутахассислари томонидан мурожаатда кўйилган масалани сифатли ва ўз вақтида ҳал этишлиги муҳокамаси.

Ўзбекистон Республикаси Транспорт вазирлиги ҳузуридаги Фуқаро авиацияси агентлигида мурожаатлар билан ишлаш ҳолати бўйича ўтказилган Жамоатчилик кенгаши йиъгилишнинг

_3_-сон БАЁНИ

2023 йил 20 июль                «Ўзавиация» агентлиги

Раис: «Ўзавиация» агентлиги директори Назаров Тахир Алимжанович

 

Иштирок этганлар: Жамоатчилик кенгаши аъзолари.

 

КУН ТАРТИБИ:

  1. Жамоатчилик кенгаши 2023 йил биринчи яримйиллигида фаолияти тўғрисида.
  2. Жамоатчилик кенгашининг келгусидаги иш фаолиятига оид режалар.
  3. Бошқа масалалар.

Саҳифанинг охирги янгиланиш санаси: 12.10.2023 14:32:08

Чоп этиладиган нусхаси