Агентство гражданской авиации

“Ўзавиаия” агентлиги томонидан 2021 йил якунлари бўйича амалга оширилган ишлар, эришилган кўрсаткичлар тўғрисида

МАЪЛУМОТ

Ўзбекистон Республикаси фуқаро авиатсиясида парвозлар ва авиатсия хавфсизлигини назорат қилиш

Хозирги кунда Ўзбекистон Республикасида 7та (етита) авиакомпания (2020 йил – 5 та), 12 (ўн иккита) аэродром, 2 (иккита) Ўқув-машқ маркази, 6та (олтита) ҲКга техник хизмат кўрсатиш ташкилоти ва 3та (учта) фуқаро авиацияси ҲКни таъмирлаш корхоналари ўз фаолиятини юритмоқда.

“Ўзавиатсия” агентлиги томонидан ҳисобот даврида қуйидагилар амалга оширилди:

12та сертификация текширувлари, шулардан:

• 10та аэродромларда (“Андижон”, “Самарқанд”, “Бухоро”, “Навои”, “Урганч”, “Наманган”, “Термиз”, “Фарғона”, “Нукус”, “Қарши” (2020 йилда – 7та). Текширув натижалари бўйича тегишли аэродром Сертифкати берилди.

Аэродромларни сертификатлаш даврида жами 72та камчиликлар аниқланган.

Камчиликларнинг асосий қисми учиш-қўниш йўлаги юзаларида ёриқлар ва чўкишларнинг мавжудлиги, уларнинг ўз вақтида мастика билан тўлдирилмаганлиги, ҳамда учиш-қўниш йўлагининг ёритиш тизимидаги бир қатор камчиликлардан иборат. Аниқланган камчиликларларни бартараф этиш бўйича чора-тадбирлар режалари ишлаб чиқилган. Камчиликларни ўз вақтида бартараф этиш бўйича “Ўзавиация” агентлиги томонидан мунтазам назорат йўлга қўйилган.

• “QANOT SHARQ” авиакомпанияси;
• “Air Tashkent” авиакомпанияси.

Авиакомпанияларни сертификатлаш жараёнида жами 14та камчиликлар аниқланди. Аниқланган камчиликларнинг айримлари, штат бирликлари тўлиқ тўлдирилмаганлиги, малака ошириш сертификатларининг муддати тугаганлиги ёки бошланғич ўқув сертификати мавжуд эмаслиги билан боғлиқдир.

79та инспекторлик текширувлари (2020 йилда – 13та), шулардан:

- 5та авиакомпанийларда “Uz Aero Tech Group” МЧЖ ҚК, “Uzbekistan Airways” АЖ, “AGRO-PARVOZ” КТАИК, “Uzbekistan Helicopters” МЧЖ, “HUMO AIR Air” МЧЖ (2020 йилда - 3та);

– 2та ўқув-машқ марказларида “Доступное небо” ва “Ўқув-машғулот маркази” МЧЖ (2020 йилда - 2та);

Инспекторлик текширувлар жараёнида, жами 21та камчиликлар аниқланган. Булардан, бўлимларнинг штат жадвалига асосан ходимлар билан тўлиқ тўлдирилмаганлиги ҳамда авиакомпанияларни айрим норматив-ҳуқуқий хужжатлари янгиланмаганлиги аниқланган.   

– 4та ҲК техник хизмат кўрсатиш ташкилотларида “Uzbekistan Airways Technics” МЧЖ, “АГРО-ПАРВОЗ” КТАИК, “An Rad-Aero” МЧЖ, “Humo Air” МЧЖнинг (2020 йилда инспекторлик текширувлари ўтказилмаган).

“An Rad-Aero” МЧЖда аниқланган 2та камчилик муҳандис-техник ходимлар фаолияти билан боғлиқ. 2020 йилнинг айнан шу даврида ҳам ҲКга техник хизмат кўрсатиш ташкилотларида сертификация текширувилари ўтказилиб иккита камчиликлар аниқланган ва камчиликлар ўз вақтида бартараф этилган.

– 10та учувчисиз учиш аппаратлари эксплуатанти ташкилотларида “Ўзгашклити” ДУК, “Геоинновасион Марказ” ДУК, “Ўзбекистон миллий телерадиокомпанияси”, Ўзбекистон Республикаси Маданият вазирлиги, “НТРК”, “Зиё” Медиамарказ, “Ўзбекистон Республикаси Давлат геалогия ва минерал ресурслар қўмитаси тизимидаги Ўзбекистон Республикаси геологик жараёнларни кузатиш Давлат ҳизмати”, “ ZO’R ” ТЕЛЕРАДИОКОМПАНИЯ ОАЖ, “Ўзбекозиқовқатхолдинг” ХК, “О’збекистон Республикаси давлат солиқ қумитаси ҳусуридаг Кадастр агентлиги Республика Аерогеодезия маркази» (2020 йилда – 1та);

– 2021 йилда “Ислом Каримов номидаги Тошкент Халқаро Аэропорти” МЧЖда инспексия текшируви ўтказилиб жами 14та камчиликлар аниқланган.

Асосий камчиликлар учиш-қўниш йўлаги юзаларидаги нотекисликлар, ҳаракатланиш йўлагининг таъмирталаблиги кабилардан иборат. Бундан ташқари, аэродром ишчи ҳодимларининг малака ошириш курсларида ўқиши каби тизимли муаммолар ҳам аниқланган.

– “Ислом Каримов номидаги Тошкент Халқаро Аеропорти” МЧЖнинг Тиббий-санитария қисми тиббий учиш эксперт комиссияси (ТУЕК) текшируви (2021 йилда – 1та);

– 5та Ўзбекистон Республикаси ҳаво кемаларининг бешта перрондаги текширувлари:

• 2021 йил 28 январ куни A-320 UK32019, текширув натижалари бўйича учта камчиликлар аниқланган;
• 2021 йил 15 июл куни B-767-300 UK67001, текширув натижалари бўйича тўртта камчиликлар аниқланган;
• 2021 йил 28 октябр куни A-320 UK32031, текширув натижалари бўйича учта камчиликлар аниқланган. Барча камчиликлар Тошкент халқаро аэропорти томонидан бартараф этилган.

2021 йил 29 ноябр куни AS350B3 UK12504, текширув натижалари бўйича иккта камчиликлар аниқланган. Барча камчиликлар Тошкент халқаро аэропорти ва “ Uzbekistan Helicopters” МЧЖ томонидан бартараф этилган.

Перрондаги инспексия текширувида аниқланган камчиликлар ишлаб чиқариш жараёни тўлиқ бажармаслиги, ҲКнинг ёқилғи таъминоти технологик жараёни бузилиши ҳамда ҲКнинг тўхтаб туриш жойнинг таъминоти ва зарур ускуна анжомлар билан таъминлаганлиги билан боғлиқлиги аниқлаган.

Сертификасия ва инспексия текширувлари натижалари бўйича авиакорхоналар томонидан аниқланган камчиликларни батараф этиш мақсадида аниқ муддатлари кўрсатилган чора-тадбирлар Режалари ишлаб чиқилди ва тасдиқланди.

2021 йилда Ўзбекистон Республикаси Фуқаро авиацияси объектларида жами 11та авиация хавфсизлиги бўйича сифат назорати текширувлари ўтказилди:

• 10та авиация хавфсизлиги ҳолатини кўздан кечириш текшируви, шулардан 7таси авиация хавфсизлиги тизимини синовдан ўтказиш текшируви;
• 1та авиация хавфсизлиги ҳолатини инспексия текшируви;

Авиация хавфсизлиги текширув натижалари бўйича қуйидаги камчиликлар аниқланган:

• авиация хавфсизлиги ҳолатини кўздан кечириш текширувида – 141та;
• авиация хавфсизлиги ҳолатини инспексия текширувида – 11та;

Авиация хавфсизлиги ҳолатини кўздан кечириш текширувлари 10та тойфаланган фуқаро авиацияси объектларида ўтказилди ва натижалари бўйича қуйидагича камчиликлар аниқланган:

• “Фарғона” халқаро аэропортида – 32та;
• “Бухоро” халқаро аэропортида – 16та;
• “Наманган” халқаро аэропортида – 11та;
• “Навоий” халқаро аэропортида – 24та;
• “Ургенч” халқаро аэропортида – 2та;
• “Термиз” халқаро аэропортида – 5та;
• “Нукус” халқаро аэропортида – 11та;
• “Қарши” халқаро аэропортида – 16та;
• “Тошкент” халқаро аэропортида – 1та;
• “Uzbekistan airways technics” МЧЖда – 23та.

Ўзбекистон Республикаси Фуқаро авиацияси объектларида авиация хавфсизлиги бўйича сифат назорати текширувлари натижалари бўйича аниқланган асосий камчиликлар қуйидагилар:

• аэропортларнинг периметр тўсиқлари видео кузатув тизимлари билан жиҳозланмаган, периметр тўсиқлари қониқарсиз ҳолатда, бетон плиталар эскирган, тупроқ қисми емирилиб кетган, периметр тўсиқларида жуда кўп бурилиш жойлари мавжуд ҳамда периметр тўсиқлари бўйича ўрнатилган кузатув минораларининг жойлаштирилиш оралиғ масофалари бир-биридан жуда узоқ.
• аэропортларнинг аэровокзал ва унинг олди майдонларида видео кузатув тизимлари ишга туширилган, бироқ ушбу видео кузатув тизимларини бошқарувчи операторлар кўплаб аэропортларда етишмайди ёки умуман йўқ.
• аэропорт ва авиация корхоналарининг назорат-ўтказиш пунктлари ичидаги майдони жуда кичкина бўлганлиги сабабли махсус техник текширув воситаларини жойлаштиришнинг ҳамда эркак ва аёлларни текшириш учун алоҳида белгиланган жўйллар мавжуд эмас.
• аэропортларда махсус техник текширув воситалари жойлаштирилган жойларда мақбул ҳарорат даражаси ўрнатилмаган, ушбу ҳолат қимматбаҳо махсус техник текширув воситаларини тез ишдан чиқишига олиб келиши мумкин.
• аэропортларнинг назорат-ўтказиш пунктларида хизмат олиб борувчи Ўзбекистон Республикаси Ички ишлар вазирлигининг бўлинмаларида аёл ходимлар сони етишмаслиги кўп йиллар давомида кузатилиб келинмоқда. Аёл ходимлар сони етишмаганлиги сабабли аэропортларнинг ҳамма назорат-ўтказиш пунктларига кундузи сменаларга аёл ходимлар қўйилмаябти ва кечки сменаларда эса умуман аёл ходимлар хизмат фаолиятини олиб бормаябти. Ушбу ҳолат аэропортларнинг назорат-ўтказиш пунктларидан кирувчи ва чиқувчи аёл ходимларнинг самарасиз текширувдан ўтказилишига олиб келмоқда.

Ўзбекистон Республикаси Авиакомпанияларида маршрутлар бўйича  19та инспектсия текширувлари бажарилган (2020 йилда – 13та). Натижалари бўйича тегишли баённомалар тузилган. Парвозлар хавфсизлигига хатар соладиган камчиликлар аниқланмаган.

Ўзбекистон Республикасига мунтазам парвозларни амалга оширишлари учун “Ўзавиация” агентлиги томонидан 2021 йилда 8та хорижий авиакомпанияга эксплуатация рухсатномаси берилди, шулардан:

• “Fly Egypt” авиакомпанияси (Миср);
• “Jazeera Airways” авиакомпанияси (Қувайт);
• “Royal flight” авиакомпанияси (Россия Федерацияси);
• “MNG Airlines” авиакомпанияси (Туркия);
• “Smartavia” авиакомпанияси (Россия Федерацияси);
• “Air India” (Ҳиндистон);
• “Fly Nas” авиакомпанияси (Саудия Арабистони);
• “Qatar Airways” авиакомпанияси (Қатар)

Авиакомпанияларнинг аризаларига асосан, амалдаги фойдаланиш рухсатномаларига 10та янги йўналишлар, шунингдек, 120та янги ҳаво кемалари киритилди.

ИCАО стандартларига мувофиқ Ўзбекистон Республикаси фуқаро авиацияси аэродромларига парвозларни амалга ошираётган хорижий давлатларнинг ҳаво кемалари эксплуатантларининг 13та перронда инспектсия текшируви ўтказилди.

Фуқаро авиацияси авиаходимларига (учувчилар, штурманлар, ҲҲБ диспетчерлари, мухандислар, борткузатувчилар) 35тасига гувоҳномалар берилди, 45тасининг гувоҳномалари алмаштирилди ва 680тасига гувоҳномаларининг муддати узайтирилди.

Хисобот даврида “Ўзавиация” агентлиги томонидан ҲКга қуйидагилар берилди:

• 60та ҲКга учишга яроқлилик сертификатлари (2020 йилда – 47та);
• 6та радиожиҳозлар сертификатлари (2020 йилда – 3та);
• 3та шовқинлар бўйича сертификатлари (2020 йилда – 2та).

Сертификация ва инспексия текширувлари натижалари бўйича авиакорхоналарга “Ўзавиация” агентлигининг 8та инспекторлик тақдимномалари киритилган бўлиб, жами 39та камчиликлар инспекторлик тақдимномаларида қайд этилган.

“Ўзавиация” агентлиги томонидан 2021 йилда Вазирлар Маҳкамасининг 2014 йил 11 августдаги 226-сон “Парвозлар хавфсизлигига таҳдид солиши мумкин бўлган фаолиятни амалга ошириш учун рухсатнома бериш тартиби тўғрисидаги Низом” талаблари асосида 504та (2020 йилда – 1211та) янги қурилаётган объектларнинг баландликлари ўрнатилган тартибда келишилди. Умумий 90 та (2020 йилда – 87 та) рухсатномалар расмийлаштирилди.

Ўзбекистон Республикаси Президентининг “2020-2021-йилларда Фарғона вилоятининг Сўх туманини комплекс ижтимоий-иқтисодий ривожлантириш чора-тадбирлари тўғрисида” 2020 йил 8 августдаги ПҚ-4798-сон қарори ижросини таъминлаш мақсадида “Ўзавиация” агентлиги мутахасисслари фаол иштирокида  2021 йилда Фарғона вилояти Сўх туманида янги учиш-қўниш майдончаси қуриб битказилди ва 2021 йилнинг декабр ойидан бошлаб Фарғона – Сўх – Фарғона  йўналиши бўйича парвозлар амалга оширилиш йўлга қўйилди. 

Парвозларни орнитологик таъминлаш устидан назоратни амалга ошириш мақсадида “Ўзавиация” агентлиги ва Идоралараро ишчи комиссия аъзолари 2021 йил давомида “Ислом Каримов номидаги Тошкент халқаро аэропорти” МЧЖга туташ ҳудудларни жойига чиқиш йўли билан 4 маротаба  кўздан кечирилди. Аэропортга туташ ҳудудда истиқомат қилувчи аҳоли ва тадбиркорлик билан шуғулланаётган ташкилотларга тегишли кўрсатмалар берилди.

“Ўзавиация” агентлиги ваколатлари доирасида тегишли вазирлик ва идоралар билан биргаликда 10та аэродромларда парвозларнинг қидирув ва авария-қутқарув таъминоти бўйича ўқув машғулотлар ўтказилди.

“Қутқарув хизмати ва қутқарувчи мақоми тўғрисида”ги Ўзбекистон Республикасининг 2008 йил 26 декабрдаги ЎРҚ-195-сон қонуни талабларини бажариш мақсадида 10та аэродромларда тегишли вазирлик ва идоралар вакиллари билан биргаликда фуқаро авиациясининг қутқарувчилари аттестатциядан ўтказишда ва уларга “Қутқарувчи” мақоми тасдиқланишида иштирок этилди.

2021 йилда Ўзбекистон Республикаси аэродромларига бир марталик парвозларни амалга ошириш учун (www.uzcaa.uz) “Ўзавиация” агентлиги сайти орқали хорилий авиакомпаниялардан 9702та сўровномалар келиб тушган ва улардан 6875тасига белгиланган тартибда рухсатномалар берилган.

“Ўзбекистон Республикасига коронавируснинг янги тури кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича республика махсус Комиссияси”нинг Баённомаларига мувофиқ

14та махсус НОТАМлар рус ҳамда инглиз тилида таёрланди ва чоп этилди.

Рақамлаштириш

1. Ўзбекистон Республикаси Президенти Ш.М. Мирзиёев раҳбарлигида 2020 йил 9 декабр куни “Туризм соҳасини ривожлантириш ҳамда аҳолининг жисмоний фаоллигини ошириш борасидаги ишларни жадаллаштириш чора-тадбирлари тўғрисида” ўтказилган видеоселектор йиғилишининг 97-сонли Баёнининг 2-банди назорат режасига мувофиқ, “Ўзавиация” агентлиги сайти (www.uzcaa.uz) орқали хорижий давлатлар фуқаро авиацияси ҳаво кемаларининг эксплуатантларига Ўзбекистон Республикаси фуқаро авиацияси аэродромларига бир марталик парвозларни амалга ошириш учун сўровномаларни қабул қилиш ва рухсатномаларни беришнинг электрон тизими ишлаб чиқилди ва ушбу тизим 2021 йил 1 мартидан бошлаб тўлиқ хусусиятли режимда ишга туширилди.
2. Вазирлик ва идораларнинг хорижий ижодий компаниялари томонидан Ўзбекистон Республикаси ҳудудига учувчисиз учиш аппаратларини вақтинча олиб кириш ва улардан фойдаланиш тўғрисидаги аризаларини тақдим қилиш ва келишиш учун ягона идоралараро электрон платформа (http://bla.uzcaa.uz ) жорий этилди.
3. Аттестациядан (текширувдан) ўтиш учун дастлабки аризаларни онлайн топшириш, авиация ходимлари гувоҳномаларининг амал қилиш муддати тўғрисида маълумот олиш тизими (https://ovs.uzcaa.uz) жорий этилди.
4. Хавфларни баҳолаш имкониятини берадиган фуқаро авиацияси объектларининг ҳолатини назорат қилиш учун маълумотлар базаси яратилди.

 Халқаро фаолият

1. Ўзбекистон Республикаси Президентининг 2019 йил 2 майдаги “Ўзбекистон Республикаси ва Қозоғистон Республикаси ўртасида кўп қиррали ҳамкорликни янада кенгайтириш чора-тадбирлари тўғрисида”ги
   Р-5472-сон фармойишига мувофиқ, 2021 йилнинг 5-9 июл кунлари “Ўзавиация” агентлигида “Қозоғистон авиатсия маъмурияти” АЖ делегацияси билан учрашув бўлиб ўтди.

Учрашувда қуйидаги масалалар муҳокама қилинди:

• Ўзбекистон Республикаси ва Қозоғистон Республикаси авиация маъмуриятлари ўртасида авиация хавфсизлиги масалалари бўйича тажриба алмашиш;
• авиатсия хавфсизлиги бўйича амалдаги норматив-ҳуқуқий ҳужжатларнинг ИКАО талабларига мувофиқлилиги;
• Қозоғистон Республикасидан АҚШга мунтазам парвозларни очиш режаси доирасида Ўзбекистон Республикасида Транспорт хавфсизлиги бошқармаси (ТСА) томонидан ўтказилган бир нечта аудит натижалари юзасидан тажриба алмашиш;
• авиация хавфсизлиги курслари бўйича ходимларни тайёрлаш ва қайта тайёрлаш;
• Учрашув якуни бўйича қуйидаги келишувларга эришилди:
• 2022 йилда Ўзбекистон ва Қозоғистон Республикаси авиация маъмуриятлари ўртасида авиация хавфсизлигини таъминлаш соҳасида ҳамкорликни янада ривожлантириш бўйича “Йўл харитаси”ни биргаликда ишлаб чиқиш ва имзолаш;
• Ўзбекистон Республикаси фуқаро авиацияси ходимларини Қозоғистон Республикасининг Алмата шаҳридаги авиация хавфсизлиги бўйича ИКАО ўқув марказида тайёргарликдан ўтказиш;
• авиация хавфсизлиги бўйича тезкор ҳамкорлик ва ахборот алмашиш мақсадида Ўзбекистон Республикаси ва Қозоғистон Республикаси авиация маъмуриятларининг мувофиқлаштирувчи марказини ташкил этиш тўғрисида ташаббусни кўриб чиқиш ва кейинчалик бошқа давлатларнинг авиация хавфсизлиги бўйича регуляторларини ушбу тадбирга жалб этиш.

Учрашув якуни бўйича икки томонлама баённома имзонланди.

2. 2021 йилнинг 2 август куни “Ўзавиация” агентлиги ва Россия Федерацияси ҳаво транспорти федерал агентлиги ўртасида “Ҳаво кемаларининг парвозга яроқлилиги соҳасида ҳамкорлик тўғрисида”ги Битим имзоланди.
3. “Ўзавиация” агентлиги мутахассислари 2021 йилнинг 9-12 ноябр кунлари Мюнхен шаҳрида (Германия) аэродромларга техник хизмат кўрсатиш, махсус техника, технологиялар, аэропортлар ва аэродромларни лойиҳалаш бўйича “Inter Airport Europe-2021” халқаро кўргазмасида Ўзбекистон делегатсияси таркибида илк бор иштирок этишди.

Кўргазманинг асосий мақсади иштирокчилар ва ташриф буюрувчиларга илғор инноватсиялар ва илғор технологиялар ҳақида тўлиқ маълумот бериш ҳамда ушбу экспозитсия аэропортлар ва технологик хизматларнинг қулай ва хавфсиз ишлашини таъминлаш учун зарур бўлган маҳсулотлар турларининг кенглиги билан таништириш эди.

4. 2021 йилнинг 16 декабр куни “Ўзавиация” агентлиги раҳбари Авиация ва ҳаво ҳудудидан фойдаланиш бўйича Давлатлараро кенгашнинг 38-сессиясида иштирок этди. Сессияда, 30 йиллик фаолиятининг амалий натижалари ва асосий истиқболли йўналишлари тақдим этилди.

Давлатлараро кенгаш ва ДАК, шунингдек, Халқаро фуқаро авиацияси ташкилотининг (ИCАО) яқинда қабул қилинган қарорлари нуқтаи назаридан фуқаро авиациясига тегишли асосий масалалар мухокама қилинди.

5. “Ўзавиация” агентлиги 2021 йил давомида Жаҳон банки гуруҳи томонидан Ўзбекистон Республикаси ҳукуматига авиация соҳасида ислоҳотлар бўйича консалтинг ёрдамини кўрсатиш лойиҳасида фаол иштирок этиб келмоқда.

“Жисмоний ва юридик шахсларнинг мурожаатлари тўғрисида”ги Ўзбекистон Республикаси қонунининг ижросини таъминлаш бўйича

Мазкур Қонуннинг ижросини таъминлаш мақсадида «Ўзавиация» агентлигида 2021 йилда фуқаролардан келиб тушган хатлар, мурожаатлар ва аризалар таҳлил қилинди.

Таҳлил давомида 2021 йилда «Ўзавиация» агентлигига 48та мурожаат келиб тушгани аниқланди.

Шулардан:

• 26 (йигирма олтитаси) Ўзбекистон Республикаси Президентининг виртуал қабулхонаси орқали;
• 9 (тўққистаси) Ягона интерактив давлат хизматлари портали орқали;
• 11 (ўн биттаси) «Ўзавиация» агентлиги расмий сайти орқали;
• 2 (иккитаси) почта орқали.

Мурожаатларда иш билан таъминлаш, иш вақти, «Ўзавиация» агентлигидаги вакансия, алимент тўловларини амалга ошириш, Ўзбекистон Республикасида учувчисиз учиш қурилмаларидан фойдаланиш тартиби ва бошқа маълумотлар бериш масалалари кўрсатилган.

Юқоридаги мурожаатлар “Жисмоний ва юридик шахсларнинг мурожаатлари тўғрисида”ги Ўзбекистон Республикаси қонунининг талабларига асосан ўрнатилган муддатларда кўриб чиқилган.

Шунингдек, Ўзбекистон Республикаси Вазирлар Маҳкамасининг 2016 йил 27 октябрдаги 366-сон қарори талабларини бажариш мақсадида «Ўзавиация» агентлиги раҳбарияти томонидан аҳоли ва тадбиркорлар учун ҳар куни соат 8 дан 11 гача шахсий қабул ташкиллаштирилган.

Скачать Информацию по итогам работы Агентства "Узавиации" за 2021 год